el Galepin

https://www.elgalepin.com

Vèneto galepin da'l 1997

Public Key

npub1efr56hr8mdktg3pnmclfpk0xlrse0dgv83fzlp29gxcjex3gfsdqj7n8d4

NIP-05 Address

Profile Code

nprofile1qqsv536dt3nakm95gseau05sm8n03cvhk5xrc530s4z5rvfvng5ycxspp4mhxue69uhkummn9ekx7mqppamhxue69uhkummnw3ezumt0d5fult9n

Publishing to

nos.lol

nostr.mom

relay.nostr.band

Author Public Key

npub1efr56hr8mdktg3pnmclfpk0xlrse0dgv83fzlp29gxcjex3gfsdqj7n8d4

Show more details

Last Notes

2026-05-04 08:42:04 GMT

https://npub1efr56hr8mdktg3pnmclfpk0xlrse0dgv83fzlp29gxcjex3gfsdqj7n8d4.blossom.band/daedae73170e1c9f42ec8e579b14b4a159a0b3e7cc02ebd483e6d03a294932a1.jpg
Gite in montagna e straintendimenti
Gavemo ridesto fin a ƚe làgreme ultimamente co' i amighi in montagna, faxendo fadiga a capirse parfin parlando fra de nialtri in Vèneto.
Na "scarpata" ƚa xé na scarpa orenda, na scarpa da fruo.
"Scarpada" invense, xé vero che se intende un precipisio de cueƚi che incontremo so i sentieri, ma pì speso se intende cò che te càpita co i te tira drio na scarpa.

2026-01-16 10:21:07 GMT

El sito elgalepin.info el xé stà trasferìo so un server pì performante e otimixà postadamente par sta fatura de comunicasion social. Desernisi ɫa inpresta Nostr che te piaxe mèjo par riséver notìfeghe.
El nòstro ID da ancùo el xé verifegà soto sto steso dominio e el xé: [email protected] - te gà da 'ver conferma da'l to clàient Nostr co' un segno de sponta darente el ID nip-05
Bona navegasion

2026-01-06 07:06:54 GMT

For those who are contacting us via the email form on the website: please double check your email address! too many errors...
Par chi che i dòpara el form mail par mandarne mesagi da'l sito elalepin.com : varda ben de inserir el to indriso de email precixo se te vol che te rive na rispòsta!

2025-11-28 16:14:34 GMT

Anca in Linux ghe xé mètodi de scritura profesional bastansa còmodi da doparar, o almanco praticàbiƚi, doparando so PC na tastiera standard.
Te ƚi cati so sta pàxena:
https://www.elgalepin.com/index-large.asp?page=tastiera-linux
Esplòra altri mètodi in Windows, MacOS, iOS, Android.

2025-11-27 07:15:52 GMT

tiràr xó - loc. - ENG: portray, shoot movies or still pictures | ITA: ritrarre, fotografare, filmare
Phrase (GVU): El me tira xó ògni menuto co' cheƚa màchina da someje (ve). In altri tenpi i tirava xó co'l penèƚo (ve).

2025-11-21 08:21:14 GMT

Il Foglio 18/11/2025: "Lingua veneta" e fra parentexe "(chiamato Lingua e non dialetto, anche se per la quasi totalità dei linguisti quello veneto è un dialetto)".
E ghe risemo co' ƚe sòƚite vacade da schincapene de servisio democratista.
Ƚa totalità (e nò ƚa "quasi totalità" reclamada dai sociaƚisti gaxetinari) de i lenguisti (se no i xé inte'l nùmaro no i xé lenguisti) no i atribuise (da lenguisti) nisuna difarensa a ƚe paròƚe "lengua" e "diaƚèto". Se trata cioè de cuel che un grupo de persone pì o manco estexo ƚe parla de acòrdo fra de ƚore, e no pol èsarghe distinsion posìbiƚe, semantegamente e par senso ontolòxego de parlanti e parlade. Ƚa distinsion ƚa vien fata nòma che da ƚa poƚédega, e non in senso garantista (maco che manco sjentìfego).
Caxo mai xé da xontar un agetivo a "lengua" co se vòja riferirse a altro:
xé da ramentarse senpre còsa che NO 'L XÉ lengua: l'Italiano no'l xé lengua, el xé un modèƚo lenguìstego (lengua artificial, lengua burocràtego-funsional, lengua franca codifegada, ect..) che no'l xé parlà da nisuni (calcheduni i crede de parlarlo parché no i gà idèa de còsa che vòja dir). Cusì come no existe un "Inglexe" parché fra Merican, Xelandexe Londinexe, Spanglish e altri "Inglexi" ghe ne pasa de difarense, sarìa da réndarse conto che Dante el gaveva anca ƚe so idèe baƚenghe (e proto-rasiste) ma i tenpi de Dante i xé fenìi; dèso xé i tenpi de'l costrutivismo social vioƚento, agresivo e sociaƚista, fruto de ƚa Revoƚusion taliana (ciamada "Risorgimento" in "Italiano" e escluxivamente in Italia), in cui ƚa "lingua italiana" ƚa xé un stromento come tanti altri par far che i "aventi diritto al voto" i pòse far i sò còmodi so ƚa pèƚe de calchedun altro.

2025-08-28 06:46:04 GMT

NP e NP
Tuti i tèsti de gramàdega vèneta e de grafìa i xé concordanti so ƚa règoƚa fisa de ƚa prononsia e conseguentemente de ƚa scritura de NP e NB, sensa ecesion, in tute ƚe varianse de lengua, in cui "n" el xé "ṅ" velar. Par cui scrivi soliamente "canpo", "inprexa", "canbio", "bonbo"... e te ghe intivi "senpre", infaƚibilmente.

2025-05-13 05:49:05 GMT

A l'Università de l'Insubria, el 15 de magio 2025, se parla de lengua vèneta: "Lingua veneta: una lezione aperta all’Insubria tra storia, lingua e letteratura con Alessandro Mocellin"
https://www.uninsubria.it/ateneo/ci-presentiamo/comunicazione/eventi/lingua-veneta-una-lezione-aperta-allinsubria-tra-storia

2025-05-12 13:43:32 GMT

fransóxo - ag. - ENG: french | ITA: francese
Phrase (GVU): Te pol picar ƚa scansìa co' na pénoƚa fransoxa (ve).

2025-03-21 16:27:55 GMT

Xé el trexentenario de Casanova, uno de i pì alti e colti inteletuaƚi de ƚa Venetia, de 'l mondo e de tuti i tenpi. Se pol prenotar el novo libro co' na racòlta portentoxa de màsime traxeste da ƚe so memòrie.
Prexentasion el 2 de april a Muran.
https://image.nostr.build/05d01ed39171ce3c9487dace84513b8100ae03ef387e13b5485aa5287446376b.jpg

2025-01-24 13:31:44 GMT

- reply

Altro che in slavònego el vegniva prononsià co' "s" de saco e nò "x" de xonta. Da rèsto anca in latin no existeva èse sonòri e se prononsiava senpre "s" de saco... ;-)

2025-01-24 13:29:25 GMT

- reply

Ʒ'+sar' el se someja na sčianta a "Céxar", se se xé boni de capir un fià sti acenti so ƚe consonante. Capìo el "miagki snak" de'l Ruso modèrno se capise ƚa prononsia.

2025-01-22 12:21:46 GMT

"Царь" in Ruso, "Ʒar" (Çar) trascrito come che semo bituài, se ƚo prononsia co' zeta de "ʒar/çar" e nò "zar", cusì come che xé scrito in Ruso. El vien da'l slavo antigo "цьсарь" che el vegniva prononsià "ʒ'sar'" (trascrito in Vèneto), né "zar", né "xar", ma ʒ'+s+a+r' (trascrito in Vèneto), cioè el nòstro "caesar" (Cèxare, come che dixemo ancùo). Proa a far calche exercisio de bona scritura e bona prononsia in Ruso e Vèneto co'l to Keyman.

2025-01-15 18:33:28 GMT

Altro adatamento tènico: ƚe pàxine de ƚa sesion co' menu a "hamburger" da cuà invanti ƚe podarà mostrarse co' un "layout" responsivo come che senghe vol so un sito de'l XXI sècoƚo, ma semo stai boni de mantegnir ƚa strutura de senpre, che ƚa permete de consultar ste pàxine sensa andar fora da'l gaƚepin vero e pròpio co'l cuadro de serca e ƚe schède de ƚe paròƚe indipendenti. (Truco par chi che i nàvaga so un teƚefonin: co' un dopio "tap" a dreta se ingrandise el cuadro co' ƚe pàxine "hamburger" presapoco a schermo intiero, e co' naltro tòk-tòk se torna paroni de'l cuadro de sanca in cui sercar inte'l databéix.
Tegnir conto che na gran parte de ƚe pàxine vixìbiƚe dèso ƚe xé stàe senplicemente còpia-incolàe inte'l CMS da un sito statico publicà inte'l sècoƚo pasà, co no existeva e no se imaginava ƚa existensa de i smàrfon. Adatarse e portar pasiensa, come che ghemo senpre fato da Vèneti.

2024-11-01 18:55:02 GMT

Xé tornà el Vèneto so ɫa version web de'l "Google Translate", almanco par el momento. Grasie a chi che i gà conbatesto anca sta ùltima batalia.
https://www.elgalepin.com/index-large.asp?page=tradutori-online

2024-10-26 07:03:41 GMT

Segnalemo purmasa che in otobre 2024 Google Translate el gà sospexo ƚa tradusion da VEC da ƚa version on line de'l servisio.
https://www.elgalepin.com/index-large.asp?page=tradutori-online

2024-10-10 07:39:13 GMT

Se te gà ocaxion de pasar so un tradutor cofà in te'l link soto, te pol tradur scriture vènete in altre lengue bastansa guaƚivamente. Se te sì marelengua in serca de ispirasion scrivendo in Vèneto partindo da naltra lengua (Talian de Italia o Portoghexe de Braxil o Spagnòƚo de Mèsico) te consejemo vivamente de sparagnarte ƚa fadiga, e inpegnarte invense a studiar co' stromenti che i te parmete de pensar. A'l incontrario, chi che i pasa da'l Vèneto a altre lengue i catarà ƚa I.A. pì che ùtiƚe. Se 'l orixenal el xé decente, ghe xé bastansa coresponsion, ancaben sensa el spìrito de'l scrivente.
https://www.elgalepin.com/index-large.asp?page=tradutori-online

2024-09-05 13:40:57 GMT

El 19 de agosto Tullio Beretta, co-fondador de'l nòstro galepin el ne gà lasà. Ciao Tullio.

2024-06-20 11:04:05 GMT

Tradusion diretamente da'l Todesco a'l Talian de Rio Grande do Sul: "El Rè Rospo" libro de Euclides Antonio Lazzarotto
https://www.esteditora.com.br/ElRerospo

2024-06-14 13:55:58 GMT

Xé stà repristinà un "mirror" de'l galepin: https://www.elgalepin.org/mirror/.
Da tenpo xèra stà sospexa ƚa manutension de i mirror par via de costi ultimamente difisilmente afrontàbiƚi. A i bèi tenpi de i Vèneti conbatenti gavemo podesto far ròbe maxenghe, co' CD-ROM, Mirror America + Euròpa, version stanpada; podòpo, a cauxa de i "social", disgregadivi e spersonaƚixanti, xé andà tuto in desfantarse e gavemo ridoto a'l mìnimo i servisi. Dèso, grasie a un sponsor gavemo rivèrto sto servisio e contenporaniamente invià na sperimentasion so altre funsion "dinàmeghe" so ƚe schède (soƚo so'l mirror). A Dio piaxendo gavemo anca descovèrto na strada niova da seguir par liberarse de i deletèri "servisi Big Tech" e tornar paroni de'l nòstro pròpio, se ghe piaxese anca a i Vèneti de svejarse.

2024-06-04 06:39:52 GMT

Grasie a uno de i nòstri sponsor (gramarsè davero!) gavemo inparà na via nova de comunicar e gestir i afari. No ghe xé tanto da inparar in realtà, xé da réndarse conto de ƚa realtà de ƚa comunicasion, de come che xé stà distruta sia ƚa sociaƚità che ƚa conomìa real in manco de 20 ani, e de còsa che gavemo a dispoxision par tornar a èsar paroni de nialtri stesi. El Galepin el xé nato durante el perìodo de adosion universal de internet, in cui se podeva acéder a internet co' na telefonada urbana (che i fioi de ancùo no i sà gnanca còsa che voja dir) e far un account de email sensa prexentar documenti. Sociaƚità vera (cioè non sociaƚista) fra persone vere. Podòpo xé rivà i "social" de ƚe corporasion, che sucesivamente ƚe xé deventàe (grasie ai "regoƚatori" anemài da 'l pòpoƚo sovran) "big tech" e ƚa xente ƚa xé stada trasformada (par tràmite de ƚa so stesa atività) in ogèti amòrfi de propietà de i "regoƚatori" stesi. Ƚa vera società vèneta (co' ƚa so léngua e cultura) ƚa xé stada fagocitada, atomixada e polverixada, come tuto el rèsto de l'umanità sčiavixada da i "social", in partiti poƚédeghi, falsità istitusional e tuto el rèsto de 'l armamentario, come da promesa e premesa de ƚa revoƚusion in corso da 200 ani.
Ma ghe xé 'l antìdoto xà funsionante, privacy e sovranità vera. E semo oncora cuà. Basta liberarse de i "social" e de i canaƚi de ƚa finansa tradisional.

2024-05-13 14:12:36 GMT

So ƚa grafìa latina de i Slavi darente caxa
“Something should also be said about the theses that
exaggerate the perfection of the monographemic system. Such a system
was first devised in Croatia by Pavao Vitezović, but the implementation
of this system remained in his manuscripts.
Vitezović’s solutions were taken over by Ljudevit Gaj in 1830. The
principle that a single phoneme is used for a single grapheme is good and
economical, but the principle alone cannot be considered ideal.
Theoretically, it does not matter whether we use a grapheme with a
superscript or subscript diacritic mark, or whether we add another
grapheme that cannot be realized in the speech sequence to the existing
grapheme. The diacritic mark has the same function as an added letter.
Our old writers and linguists pursued the possibilities of unambiguous
writing, and their efforts were aimed precisely at achieving as much
uniformity in conscious normative interventions as is necessary to avoid
any ambiguity. Superficial research may assume that their graphemic
suggestions contain different recordings of the same phonemes, but it is
necessary to repeatedly re-read the works of our old writers and linguists
and use detailed analyses to point to the uninterrupted flow in the
development of the Croatian Latin script.”
Croatian Latin Script Throughout the Centuries
Loretana Farkaš
University of Osijek

2024-05-13 14:01:08 GMT

Ùltime so ƚa tastiera Venetia&Histria:
Co’ tanti ani de servisio, nisun problèma, ƚa tastiera ƚa funsiona poƚito so Windows e smartphone Android o iPhone. So Linux dipende da ƚa distro e no podemo dar sugerimenti parché ghe xé masa varianse.
Co’ i ùltimi axornamenti de Windows, Microsoft ƚa xé drio far ƚe sòƚite fufigne. Càpita che co’ version recenti de Windows 10 o 11, co se istaƚa el Keyman co’ ƚa so montura de tastièra, o sinò ƚa tastièra da drento el Keyman co’ ƚa funsion “Download/Descarga”, ƚa Venetia&Histria a vòlte ƚa vien sforsada a doparar el layout de tastiera “US”, che pol andar ben par chi che i vive in USA, ma inte ‘l rèsto de’l mondo, màsime in Braxil e inte ƚa Venetia stòrega, i se cata in problèmi aparentemente insormontàbiƚi, come se ghe fuse un “bao” so’l software. Ƚa tastiera V&H no ƚa gà gninte che no và, sto problèma el ghe xé anca par altre lengue in altri Paexi (grasie, Microsfot). Sègui ste istrusion:
1. Descarga el Keyman da so pòsta (“without any keyboards”), invense che co’ ƚa tastiera desernìa
Istaƚando el Keyman definisi el “layout” primario de’l sistèma (da noaltri “Italian” – eventualmente prima elìmina da’l sistèma altri layout che no i sèrve a gninte, i ghe sèrve nòma che a Microsfot)
2. Descarga el file “kmp” da sto link (desconpata el zip)
Da ƚe inpostasion de ‘l Keyman (configuration/layout) clica “Istaƚa tastièra” (e nò “Descarga tastièra”) e inpòrta el file “kmp” che te gà descargà
3. Senpre in “confegurasion” de Keyman, definisi lengua de interfacia, preferense e scavesagne come che te piaxe mèjo, e taca a laorar
4. Co’ ste fature, funsiona poƚito tute ƚe nòstre tastiere, vèneta, rusa, latina, so tuti i Windows, e ƚe funsionarà anca so tuti i PC co’ tastiere hardware braxiliane, todesche, svedexi o vatelacata. Scrivi in cualsesipia variansa de lengua co’ Ƚ/ƚ, ł, ẑ, ž, ʒ, ṅ, š, č, ć, ā, ă, â, ō, ē, ĕ, ċ, ö, ü, ø, œ, æ, ż, ṡ…
До свидания, друзья!

2024-05-13 13:58:17 GMT

Migrasion in corso de ƚe nòde da'l blog Wordpress https://elgalepin.wordpress.com/ a 'l pì lìbero e indipendente protocòƚo Nostr. Gramarsè a i nòsri asistenti MoVelink co' sto novo bàgoƚo. So Nostr, i utenti pol catarne so ƚa rede ognun doparando el so client preferìo.

2024-05-13 11:52:10 GMT

Par rengrasiar i nòstri consulenti, nòda inserìa da PC so noStrudel

2024-05-13 11:46:50 GMT

Seconda nòda da Amethyst

2024-05-13 09:12:43 GMT

Prima nòda da Nostrudel so smàrfon...